Vistas de página en total

viernes, 10 de julio de 2015

Chulio2015/Miszelania. OS PASTORS

Por os camins d´o Sur   - por os amplos tremedals-
 ban triscando os ganatos    por serratos y balellas,
as yerbas berdas, azetas.   Ban bebendo as obellas:
naballos de dolzas aguas...   zariches de berda esbruma.
 *
Por solencas endrezeras   os pastors ban dixando,
l´anima entre as allagas   y o corazón xorrontato.
Leban probes albarqueras:   pials, arrufias, mandialla,
morrral ta alzar a chenta,   tocho, caramella y gos.
Pasan os diyas, os meses,   esnabesan as añadas,
pasan os ibiernos fridos   y as primaberas aladas.
Pasan estius de sol,    aguerros de tristas auguas,
pasan as cuatros estazions    fundindo con as rosadas
l´acero de os suyos diyas    y os paxaros de l´albada.
 *
Ye a vida d´os pastors   triballadera y solenca
ta cutio entre as aireras   as plebitas y as tronadas,
astí en altizos secanos,    astá en fundas barranqueras.
 *
A bida pasa en un soflo,  a muerte plega en un inte
 y as caracolas d´suenio   d´ababols royos i poblan,
en as tascas d´os puertos,   as fuesas en do discansan.
*